20 დეკემბერს სკოლა ,,პოლიგლოტის“ ინტელექტუალთა ჯგუფი იმყოფებოდა კავკასიის საერთაშორისო უნივერსიტეტში ბიზნესის ფაკულტეტის ინიციატივითა და ორგანიზებით ჩატარებულ საგანმანათლებლო-შემეცნებითი ვიქტორინაზე: „ვიცნობდეთ ქვეყნიერებას“, რომელშიც მონაწილეობა მიიღეს სკოლის მოსწავლეებმა.
ვიქტორინის დავალება შედგებოდა საქართველოს ისტორიისა და საქართველოს გეოგრაფიის შესახებ 12-12 კითხვისაგან, რომლებიც მოქცეული იყო სასკოლო პროგრამების ჩარჩოებში. ზოგადი ცოდნის გამოსავლენად ჩატარებულ ორ ეტაპზე მონაწილეებს მიეცათ ვიზუალური შეკითხვები მსოფლიოს სხვადასხვა ქვეყნის ჰერალტიკური სიმბოლოთა და კულტურული ძეგლების ამოცნობის მიზნით.
სკოლა ,,პოლიგლოტის“ გუნდმა წარმატებით იასპარეზა ვიქტორინაში და გახდა ფინალისტი. ვულოცავთ ჩვენს საუკეთესო მოსწავლეებს და ვუსურვებთ წარმატებებს. სკოლა ,,პოლიგლოტი“ მადლობას უხდის ღონისძიების ორგნიზატორებს და მეგობარ უნივერსიტეტს უსურვებს დიდ წარმატებებს